Integración Continua (CI)

Integración Continua (CI) é unha práctica de desenvolvemento que consiste en fusionar con frecuencia (idealmente varias veces ao día) o código de todos os programadores nun repositorio común (por exemplo, Git).

Cada integración dispara un proceso automático que fai verificacións no código novo como poden ser as seguintes:

• Compila correctamente (se é necesario).
• Pasa as probas automáticas.
• Cumpre normas de estilo e calidade.
• Non rompe funcionalidades existentes.

Vexamos un exemplo:

1. Un programador fai cambios e envía un commit ao repositorio remoto (por exemplo, GitHub ou GitLab).
2. O sistema de CI (por exemplo, GitHub Actions ou GitLab CI) detecta o cambio.
3. Iníciase un pipeline de integración, que pode incluír:
   • Linting (verificación de estilo de código).
   • Tests unitarios.
   • Tests de integración.
   • Análise estática de código.
   • Compilación ou empaquetado.
4. Envíase unha notificación:
   • Se todo está ben, avísase de que a integración foi correcta.
   • Se algo falla, avísase dos erros a corrixir.