Jobs

Un job pode facer cousas como:

Compilar a túa aplicación.
Executar tests.
Despregar a aplicación web nun servidor.
Executar scripts de análise de código...
Xerar documentación.

Cada job defínese no ficheiro .gitlab-ci.yml cun nome único e inclúe varias opcións, sendo a máis importante script.

test_backend:
  stage: test
  script:
    - echo "Iniciando tests..."
    - pytest tests/

Neste caso:

test_backend é o nome do job.
stage di en que fase se executa (por exemplo: test).
script contén os comandos que executa no runner.

O funcionamento é o seguinte:

Faise un push ao repositorio.
GitLab le o .gitlab-ci.yml.
Crea un pipeline con todos os jobs definidos.
Cada job envíase a un runner (máquina virtual, contedor, etc.).
O runner executa os comandos especificados en script.

Imaxes

É posible (e adoita ser recomendable) usar imaxes Docker nos jobs. Isto faise co atributo image, e serve para dicir que contedor (ou sistema base) debe empregar o runner para executar os comandos dese job.

Ao poñer o atributo image, estás dicíndolle a GitLab «Executa este job dentro dun contedor baseado nesta imaxe de Docker».

Isto permite ter un entorno limpo, controlado e reproducible, sen depender do sistema do runner.

test_python:
  image: python:3.11
  stage: test
  script:
    - pip install -r requirements.txt
    - pytest

Este job usa a imaxe oficial python:3.11 de DockerHub. Todo o que se executa corre dentro dese contedor. O que fai posible que teñamos xa instalado Python na súa versión 3.11 no runner. As imaxes que se utilizan proveñen de DockerHub. Aínda que tamén se pode personalizar e utilizar outro repositorio de imaxes.

Tamén se pode definir unha imaxe base para todo o pipeline:

image: node:20

stages:
  - build

build_job:
  stage: build
  script:
    - npm install
    - npm run build

Outros atributos

Nun job de GitLab CI/CD, hai varios atributos moi comúns que se usan para controlar o seu comportamento. Aquí expóñense algúns dos máis importantes:

when: se engadimos when: manual, este job non se executa automaticamente cando se lanza o pipeline. Queda pendente para executalo como "manual". Alguén con permisos pode ir á interface de GitLab e facer clic en Play para executalo. Moi útil para realizar probas.
```
deploy_prod:
  stage: deploy
  script:
    - ./deploy_prod.sh
  when: manual
```
rules: Define en que ramas, tags ou accións debe executarse ou non o job. Substitúe only/except. Permite condicións máis complexas: por ramas, variables, eventos, etc.

Por exemplo no seguinte exemplo tan só se executa o job se os cambios se realizan na rama main.
```
test_job:
  script: npm test
  rules:
    - if: '$CI_COMMIT_BRANCH == "main"'
```
artifacts: Permite gardar ficheiros xerados por un job (ex: binarios, logs, informes).

Por exemplo no seguinte exemplo almacénase o contido de bin o cal poderá ser descargado, ou ser usado por jobs posteriores.
```
build_job:
  script: make
  artifacts:
    paths:
      - bin/
```
dependencies: Especifica de que jobs previos depende este job para poder obter artifacts.
```
test:
  script: run-tests
  dependencies:
    - build
```
allow_failure: Se se marca como true, o job pode fallar e o pipeline segue adiante.
```
lint:
  script: npm run lint
  allow_failure: true
```

Imaxes​

Outros atributos​

Imaxes

Outros atributos