Contorno de probas

O contorno de probas (testing environment) é un espazo específico destinado a verificar que a aplicación funciona correctamente antes de avanzar cara ao contorno de staging ou produción. Aquí céntrase a atención en avaliar a calidade do software, máis que en desenvolvelo ou entregalo a usuarios finais.

Características principais do contorno de probas:

• Validación do código: utilízase para realizar probas funcionais, probas unitarias, de integración, de rendemento ou de seguridade.
• Probas automatizadas: normalmente intégrase con sistemas de integración continua (CI) que executan probas automaticamente cada vez que se realiza un cambio no código.
• Datos controlados: adoita utilizar unha base de datos con datos de proba ou ficticios, reproducindo casos reais pero sen comprometer información sensible.

O despregue neste contorno adoita realizarse de xeito automático a través dun sistema de integración e entrega continua (CI/CD), como Jenkins, GitLab CI/CD, etc.

Este proceso xeralmente é o seguinte:

1. Cada vez que se actualiza o código no repositorio (por exemplo, ao facer un push ou merge), lánzase o despregue automaticamente.
2. Tras o despregue, lánzanse as probas automatizadas e, se pasan correctamente, considérase que o código está listo para pasar ao seguinte contorno.

Este contorno está separado de produción para evitar que os erros afecten aos usuarios reais.