Migracións de base de datos

Unha migración de base de datos é un proceso controlado para crear, modificar ou eliminar estruturas dunha base de datos (como táboas, columnas, índices, etc.) a través de código.

O obxectivo principal é permitir que os cambios na estrutura da base de datos (tamén chamada "esquema") se realicen de forma versionada, reproducible e segura, tanto en desenvolvemento como en produción.

Eses cambios nas estruturas poden ser:

• Crear ou eliminar táboas.
• Engadir ou modificar columnas.
• Definir claves primarias, foráneas e índices.
• Cambiar tipos de datos ou restricións.

Existen diferentes ferramentas de migración segundo a linguaxe e framework:

Linguaxe	Framework	Ferramenta de migración
PHP	Laravel	artisan migrate
Python	Django	python manage.py makemigrations / migrate
JavaScript	Prism	npx prisma migrate dev --name a_migracion

Algunhas das vantaxes:

• Versionado do esquema: podes saber que versión da estrutura está implantada.
• Despregue controlado: aplicar os mesmos cambios en todos os contornos.
• Reversibilidade: moitas ferramentas permiten facer rollback (rebobinar).
• Automatización: intégrase facilmente en scripts de despregue continuo (CI/CD).