Saltar al contenido principal

Práctica 304. Dominio real e propagación DNS

O tempo de propagación DNS refírese ao tempo que pasa desde que cambias ou engades un rexistro DNS ata que ese cambio se reflexa en todos os servidores DNS do mundo.

DNS funciona cun sistema de caché distribuído. Debido a isto, algúns servidores DNS verán o cambio de inmediato e outros poden tardar minutos ou horas.

Requisitos​

Apartado 1​

Realiza os seguintes pasos:

  • Accede á URL https://desec.io.
  • Crea unha nova conta. Selecciona a opción Register a new domain under dedyn.io (dynDNS).
  • Crea un dominio co nome que queiras.
  • Vaite á bandexa do teu correo electrónico, deberías ter un email para verificar a conta en desec.io. Pode ser que este correo vaia a Spam. Verifica a conta.
  • Como non tes contrasinal, tras verificar a conta, indica que se che envie un correo electrónico para introducir un novo contrasinal.
  • Inicia sesión co correo electrónico e contrasinal. Deberás acceder o panel de administración de rexistros do teu dominio. Realiza capturas deste dashboard.

Apartado 2​

Realiza os seguintes pasos:

  • Vaite á xestión de rexistros en desec.io do teu dominio.
  • Introduce un rexistro TXT de nome proba co valor probando_propagacion.
  • Resolve este rexistro con dig. Verás que aínda non obtés a resolución do nome de dominio. Realiza capturas da saída do comando.
  • Resolve este rexistro con dig pero utilizando o servidor DNS do rexistro NS do teu dominio. Realiza capturas da saída do comando.

Apartado 3​

Realiza os seguintes pasos:

  • Accede á URL dnschecker.org.
  • Introduce o rexistro do exercicio anterior e preme en search. Realiza unha captura do mapa para que se mostre en que servidores se da resolto o rexistro TXT.
  • Cada certo tempo vai engadindo máis capturas (ao pasar uns minutos xa deberías ver que vai funcionando, pero poden pasar horas) e indica o día e a hora de cada captura, así como o tempo transcorrido. Pon a última captura cando todos os servidores DNS resolvan o rexistro.