NPM

npm é un xestor de paquetes para Node.js. Este xestor permite instalar, compartir e distribuír código ademais de xestionar as dependencias dun proxecto.

Instalación en Debian

Para instalar npm debemos instalar Node.js:

Actualizamos a lista de paquetes:

sudo apt update

Instalamos cURL:

sudo apt install curl gnupg

Baixamos o script para instalar o repositorio da versión LTS de node:

sudo curl -fsSL https://deb.nodesource.com/setup_20.x | sudo -E bash -

Actualizamos de novo a lista de paquetes:

sudo apt update

Instalamos Node.js:

sudo apt install nodejs

Podemos ver as versións de Node.js e npm do seguinte xeito:

$ node -v
$ npm -v

Ficheiros

Cada proxecto conta cun dous ficheiros de dependencias de nome package.json e package-lock.json. Estes funcionan de xeito similar aos ficheiros de dependencias de Composer.

Cada vez que se instala un paquete, se actualiza ou elimina, actualízanse o ficheiro package.json e package-lock.json.

Ficheiro package.json

Vexamos un exemplo de package.json:

{
  "name": "proxecto-exemplo",
  "version": "1.0.0",
  "description": "Un proxecto de exemplo con Node.js",
  "main": "index.js",
  "scripts": {
    "start": "node index.js",
    "test": "echo \"Sen probas\" && exit 0"
  },
  "author": "Nome Apelido",
  "dependencies": {
    "express": "^4.18.2"
  },
  "devDependencies": {
    "nodemon": "^3.0.0"
  }
}

Campo	Explicación
"name"	Nome do paquete/proxecto. Debe ser único se se publica en npm.
"version"	Versión do proxecto
"description"	Pequena descrición do que fai.
"main"	O ficheiro principal que se importa se alguén require este paquete.
"scripts"	Comandos personalizados que se poden executar con npm run <nome>.
"author"	Nome do autor (ou equipo).
"dependencies"	Paquetes que o proxecto necesita para funcionar.
"devDependencies"	Paquetes necesarios só durante o desenvolvemento

Ao igual que Composer, en package.json pódese xestionar que que versión instalar:

Símbolo	Que fai
"^4.18.2"	Instala calquera versión compatible con 4.x.x (evita cambios maiores).
"~4.18.2"	Só permite cambios no último número: 4.18.x
"4.18.2"	Exactamente esa versión.
">=4.0.0 <5.0.0"	Rango de versións aceptadas.
"latest"	A versión máis recente (similar ao *, pero explícito).

Os paquetes almacénanse no directorio de nome node_modules dentro do proxecto.

Comandos

Algúns comandos básicos de npm:

• npm init: Crea un novo package.json.
• $ npm install <paquete>: instala un paquete.
• $ npm install <paquete>@<version>: instala un versión concreta dun paquete.
• $ npm install <paquete> --save-dev: instala un paquete só para desenvolvemento.
• $ npm install <paquete>@<version> --save-dev : instala un versión concreta dun paquete só para desenvolvemento.
• $ npm install --save-dev: instala as dependencias do ficheiro package.json.