Saltar al contenido principal

Práctica 204. Reproducindo un contorno de desenvolvemento para Node.js

Nesta práctica veremos como podemos reproducir o contorno de desenvolvemento para Node.js dos nosos proxectos noutro equipo dun xeito rápido.

Requisitos​

Apartado 1​

Nesta prática faremos algo parecido ao realizado na anterior, pero esta vez utilizando npm.

Realiza os seguintes pasos:

  • Clona o repositorio dapw-202. A continuación, abre o directorio do repositorio en Visual Studio Code.
  • Comproba que non temos o directorio node_modules. Realiza unha captura desta comprobación.
  • Utilizando npm instala todos os paquetes que necesita o proxecto para funcionar.
  • Realiza unha captura do contido do directorio node_modules.

Apartado 2​

Se comprobas o ficheiro package.json verás que non se indica unha versión concreta dos paquetes. Imos ver como podemos facer para modificar isto.

Realiza os seguintes pasos:

  • Borra o directorio node_modules.
  • Modifica o ficheiro package.json para que se instale unha versión concreta. Realiza unha captura do contido deste ficheiro.
  • Instala os paquetes que se indican no ficheiro package.json.
  • Executa o comando node index.js para ver que todo funciona correctamente. Realiza capturas da saída da execución do script.

Apartado 3​

A continuación, veremos como se instala un paquete de desenvolvemento nunha versión concreta. Neste caso, imos instalar o paquete eslint. Esta é unha ferramenta para analizar e corrixir automaticamente o estilo e os erros potenciais no teu código JavaScript.

Realiza os seguintes pasos:

  • Vai á web de npm. Busca o paquete eslint e vaite a súa páxina en npm. Preme na lapela de versions.
  • Instala a penúltima versión do paquete en modo desenvolvemento. Realiza captura do comando utilizado.
  • Realiza unha captura do contido do ficheiro packages.json.
  • Realiza un commit e un push para subir o repositorio a GitHub.
  • Realiza unha captura do repositorio en GitHub que se vexa o contido deste.

Apartado 4​

Para finalizar, veremos cómo sincronizar o noso repositorio local con outro repositorio remoto adicional. Neste caso, temos xa un creado en GitHub e imos crear outro en GitLab.

Realiza os seguintes pasos:

  • Crea un novo repositorio baleiro chamado dapw-202. Este repositorio será unha copia do dapw-202 que temos en GitHub. Realiza unha captura da interface web co proxecto en GitLab.
  • Dentro do repositorio local, engade como remoto o repositorio de GitLab.
  • Realiza un push. Realiza unha captura do proxecto en GitLab onde se vexa o contido deste.