Saltar al contenido principal

Práctica 205. MariaDB nun contorno de desenvolvemento

Nesta práctica imos montar un servidor de base de datos de desenvolvemento con MariaDB.

Ademais de realizar toda a configuración, crearemos tanto un usuario de desenvolvemento como a súa respectiva base de datos. Veremos, tamén, un cliente gráfico co cal realizar operacións sobre a base de datos.

Nota

Nesta práctica imos facer todo na mesma máquina, pero tendo en conta que o ideal sería montar a base de datos noutra máquina e utilizar esa máquina tan só como servidor de base de datos.

Requisitos​

Apartado 1​

Neste apartado imos instalar e configurar MariaDB.

Realiza os seguintes pasos:

  • Instala MariaDB na máquina virtual.
  • Realiza a configuración de seguridade. A root ponlle o contrasinal abc123..
  • Modifica a configuración de MariaDB para poder acceder desde calquera equipo.

Apartado 2​

Crearemos unha base de datos de proba xunto a un usuario de desenvolvemento:

Realiza os seguintes pasos:

  • Inicia sesión co cliente CLI de MariaDB co usuario root.
  • Crea a base de datos de nome proba e dálle acceso ao usuario iniciais con contrasinal abc123..
  • Proba desde o terminal da propia máquina virtual a conexión á base de datos. Realiza capturas do correcto inicio de sesión con este usuario.

Apartado 3​

Agora imos comprobar cun cliente externo de MariaDB que temos acceso desde fóra da máquina virtual. O noso cliente será unha extensión de Visual Studio Code.

Realiza os seguintes pasos:

  • No Visual Studio Code do anfitrión, instala a extensión SQLTools e SQLTools MySQL/MariaDB/TiDB Driver. A primeira é o cliente e a segunda é o driver para conectarnos a MariaDB. Se queremos conectarnos a outro sistema xestor de base de datos, tan só debemos instalar o seu driver. A primeira extensión funciona do mesmo xeito.
  • Preme na icona da barra esquerda de SQLTools.
  • Preme en Add New Connection e realiza a conexión. Realiza capturas da configuración que realizas para a conexión. Podes probar se está todo correcto premendo en Test Connection (para iso pedirá o contrasinal do usuario). Deberás indicar os seguintes datos:
    • Indicar un nome.
    • En Server address indicas a dirección IP onde se atopa a base de datos.
    • En Database indica o nome da base de datos.
    • En username o nome de usuario de desenvolvemento con acceso a base de datos.
  • Garda a conexión premendo en Save Connection.
  • No menú da esquerda de SQLTools aparecerá a nova conexión co nome que indicamos. Preme nela para conectarte.
  • Unha vez conectado, nas iconas do apartado Connections, preme no de New SQL File. Abrirase un ficheiro no que podemos executar SQL.
  • Crea a táboa usuarios co campo id como clave primaria e co campo nome que sexa texto.
  • Engade un usuario calquera.
  • No apartado de Connections, preme na conexión co botón dereito e preme en Refresh.
  • Preme no despregable da conexión para ver todas as táboas. Sobre a táboa usuarios, pulsa na icona da lupa se pasas por encima co rato.
  • Realiza unha captura do contido da táboa.
  • Pecha a conexión.