Saltar al contenido principal

Frameworks web

Un framework web é un conxunto de ferramentas e bibliotecas que axudan a desenvolver aplicacións web de forma máis rápida, organizada e segura. Facilitan tarefas comúns como rutas, conexións a bases de datos, autenticación, renderizado de páxinas, etc.

As vantaxes dos frameworks son:

  • O programador non necesita formularse unha estrutura global da aplicación. O framework proporciónalle un esqueleto que ten que cubrir.
  • Facilita a colaboración. Definir e estandarizar aforra tempo e traballo nos desenvolvementos colaborativos.
  • É máis sinxelo encontrar ferramentas (utilidades, librerías) adaptadas ao framework que facilitan o desenvolvemento.

Existen os seguintes tipos de frameworks web:

  • Frameworks de Backend: Están orientados a construír a lóxica do servidor, API, base de datos, autenticación, etc.
  • Frameworks de Frontend: Usados para construír a interface do usuario (UI), manexar eventos, animacións, estados, e comunicación co backend.
  • Frameworks Full Stack: Permiten traballar tanto no backend como no frontend cun mesmo ecosistema, ás veces mesmo cunha única linguaxe. Xeralmente son os mesmos que os de backend.

Frameworks full-stack e de backend​

Unha característica importante destes frameworks web é que contan cun servidor web de desenvolvemento. Deste xeito pódese prescindir de utilizar servidores web como Apache durante o desenvolvemento da aplicación. Deste xeito é o propio framework o que se encarga de todo o encamiñamento das rutas URL.

Ademais dende a aparición dos frameworks, comezaron a utilizarse linguaxes para desenvolver contorno servidor que ata o momento non se utilizaban para este propósito como JavaScript e Python.

Ademais soen ter asociada unha template engine para construír as vistas, aínda que en algúns casos pódese elixir cal utilizar.

Algunhas das linguaxes e frameworks que se poden utilizar como no desenvolvemento de full-stack e de backend son:

PHP​

Algún dos frameworks de PHP máis utilizados son:

  • Symfony: Creado no 2003. BNP Paribas, BBC News ou "El Tenedor" son empresas que confían neste framework para os seus proxectos.

    Symfony

  • Laravel: framework de código aberto que utiliza como linguaxe PHP. Foi creado en 2011. Algunhas empresas que traballan con este framework son: Disney, Twich, New York Times, etc.

    Laravel

JavaScript​

Aínda que esta linguaxe foi tradicionalmente empregada do lado do cliente, a partires da creación de Node.js foi posible crear código backend utilizando JavaScript. Node.js é un contorno de execución de JavaSCirpt baseado no motor V8 de Chrome. Lanzado no 2009, empezou a coller moita popularidade ata converterse unha das plataformas máis utilizadas. Algúns frameworks existentes:

  • Next.js: é o framework web máis popular na actualidade. Framework creado por Vercel e baseado en Recat que facilita a creación de aplicacións web modernas con características integradas como o renderizado do lado do servidor (SSR), xeración estática (SSG), enrutado automático, API router e optimización de rendemento.

  • Express: foi un dos framework web máis populares do ecosistema de Node.js. Creado no ano 2010 e amplamente utilizado a día de hoxe pola súa sinxeleza e lixeireza.

Python​

Python é unha linguaxe de guións multiplataforma e multiparadigma, xa que permite o desenvolvemento de estilos diferentes de programación. É unha linguaxe simple, versátil e na que os programas son rápidos de desenvolver. Os frameworks máis utilizados con esta linguaxe son:

  • Django: Creada en 2005. Existen proxectos de Mozilla e OpenStack que utilizan esta tecnoloxía.

  • Flask: framework minimalista de código aberto que utiliza como linguaxe Python.

Java​

Template engines​

Os motores de plantillas (template engine) son linguaxes propias para utilizar nas vistas. Estas linguaxes permiten combinar plantillas HTML con datos para xerar un documento HTML que se envía ao cliente. O seu funcionamento é similar ao código PHP incrustado en HTML, pero a súa sintaxe e moito máis sinxela e máis próxima a linguaxe HTML. Deste xeito nas plantillas tan só se substituían as variables por datos, sen bloques complexos de programación.

Algún dos template engine máis utilizados son:

Framewoks de frontend​

O frontend constitúe a interface de usuario. Encárgase de todo o dinamismo e interacción co usuario. Execútase no navegador. Comunícase coa API mediante o intercambio de ficheiros lixeiros de datos (JSON ou XML).

Angular​

Angular foi creado por Google coa linguaxe TypeScript, un superset de Javascript. A súa primeira versión data do ano 2016. O Deuscht Bask e PayPal confían nesta tecnoloxía para os seus proxectos.

Angular

Vue​

Vue foi creado no ano 2014 e utiliza como linguaxe JavaScript. Netflix e Xiaomi utilizan esta librería en producción.

Vue